Papa Fransiskin vəfatından sonra Vatikanda yeni konklavın təşkili hazırlıqları sürətlə davam edir. Bu mühüm hadisənin təhlükəsizliyinin təmin olunması, xüsusilə də məxfiliyin qorunması üçün görülən tədbirlər diqqət çəkir. Katolik kilsəsinin yeni başçısının seçilməsi prosesi, müasir texnologiyaların yaratdığı yeni çağırışlarla üzləşir.
Redaksiya xarici mətbuata istinadla xəbər verir ki, 2005-ci ildə konklav zamanı ilk dəfə mobil telefonların istifadəsi qadağan edilmişdi. İyirmi il sonra, Papa Fransiskin ölümündən sonra seçki prosesi yenidən başlayır. Səlahiyyətli orqanların əsas prioritetləri iştirakçıların təhlükəsizliyini qorumaq və son qərar qəbul edilənə qədər məxfiliyi təmin etməkdir. Bu məqsədlə, ekskommunikasiya və həbs cəzası nəzərdə tutulur.
2025-ci ilə qədər Vatikandakı Jandarma korpusu, digər konklavlarla müqayisədə görünməmiş texnoloji problemlərlə üzləşir. Bunlara süni intellekt sistemləri, dronlar, hərbi peyklər, mikroskopik mikrofonlar, dezinformasiya epidemiyası və sosial media vasitəsilə daimi əlaqədə olan dünya daxildir. Konklavın Papa'nın ölümündən təxminən 20 gün sonra keçirilməsi planlaşdırılır. Vatikanda və Müqəddəs Taxt-tacda, katolik inancının növbəti lideri üçün səs verəcək kardinalların gəlişinə hazırlıq görülür. Fövqəladə və nəzarət orqanları da ən müasir texnologiyadan istifadə edərək bu istiqamətdə çalışırlar.
Vatikanın internetə çıxışı var, lakin kardinalların qalacağı və yeni papanı seçəcəyi ərazilərdə siqnal bloklayıcıları quraşdırılacaq. Bu texnologiya iki cihazın radio tezliyi müdaxiləsi vasitəsilə bir-biri ilə əlaqə qurmasının qarşısını alır. Binalar elektron bunkerə çevrilir. Beləliklə, kimsə mikrofon, telefon və ya kompüter yerləşdirsə də, məlumat ötürə bilməyəcək. Pəncərələrə quraşdırılan xüsusi plyonkalar, jurnalistlərin, peyklərin və dronların içəridən şəkil çəkməsinin qarşısını alacaq.
Vatikanın kiçik ərazisi, təhlükəsizliyin təmin olunması üçün müxtəlif vasitələrdən istifadə edir. Konklavın nəticəsində təxminən 200 min insanın bu şəhər-dövlətdə olması gözlənilir. Bu tədbirlər, yeni papanın seçilməsi prosesinin gizliliyini və təhlükəsizliyini qorumaq üçün həyata keçirilir.
Sevinc Kərimova