Tayvanda mağaza, supermarket və kafelərdən alınan hər bir qəbz eyni zamanda lotereya bileti rolunu oynaya bilər. Sistem vətəndaşları alış-veriş zamanı qəbz tələb etməyə həvəsləndirir və bununla bizneslərin real satışlarını vergi orqanlarından gizlətməsini çətinləşdirir.
Redaksiya xəbər verir ki, bu yanaşmanın əsası 1950-ci illərdə kölgə iqtisadiyyatına qarşı mübarizə məqsədilə qoyulub. Hakimiyyət genişmiqyaslı yoxlamalar əvəzinə istehlakçıların özlərinin qəbz tələb etməsində maraqlı olacağı mexanizm yaradıb.
Nəticədə alıcı üçün qəbz potensial uduş imkanı, biznes üçün isə satışların rəsmi şəkildə qeydə alınması məcburiyyətinə çevrilib. Beləliklə, adi alış-veriş vergi ödənişlərinə nəzarət alətlərindən biri kimi istifadə olunur.
Hazırda sistem rəqəmsal formatda da fəaliyyət göstərir. Qəbzlər mobil tətbiqlərdə saxlanıla, onların nömrələri isə müntəzəm keçirilən tirajlarda avtomatik yoxlanıla bilər. Baş mükafat 10 milyon Tayvan dollarına qədər çata bilir.
Sistemdə turistlərin də iştirak etmək imkanı var. Tayvanda edilən adi bir alış-verişdən alınan qəbzin nömrəsi tirajda qalib gələrsə, həmin qəbz sahibinə pul mükafatı qazandıra bilər.