Rusiyada Snapchat platformasına qarşı məhdudiyyətlər tətbiq edilib. Bu qərar, ölkədəki müxtəlif sosial media platformalarına qarşı görülən daha geniş tədbirlərin bir hissəsi kimi qiymətləndirilir.
Redaksiya TRT Haber-ə istinadən məlumat verir ki, Rusiya Federal İnformasiya Texnologiyaları və Kütləvi Kommunikasiya Nəzarət İdarəsi (Roskomnadzor) tərəfindən verilən açıqlamada, oktyabr ayından bəri Snapchat-də müşahidə olunan giriş problemləri dəyərləndirilib. Açıqlamada, tətbiqin ölkədə terror fəaliyyətlərinin təşkil edilməsi və həyata keçirilməsi, cinayətkarların işə götürülməsi, eləcə də vətəndaşlara qarşı dələduzluq və digər cinayətlərin törədilməsi üçün istifadə edildiyi iddia edilib.
Roskomnadzor, eyni səbəbdən bu gün FaceTime tətbiqinə də girişin qadağan edildiyini bildirib. Bundan əvvəl isə ölkədə Facebook, X, TikTok, YouTube və Instagram kimi sosial media platformalarına da giriş məhdudlaşdırılmışdı. Bu addımlar, Rusiyanın informasiya sahəsindəki siyasətinin bir hissəsi kimi qiymətləndirilir və ölkə daxilində informasiya axınının tənzimlənməsinə yönəldiyi düşünülür.