Qətər Xarici İşlər Nazirliyi beynəlxalq ictimaiyyəti İsrailin Livana hücumlarını dayandırmağa məcbur etməyə çağırıb.
Redaksiya xəbər verir ki, Doha İsrailin Livandakı hərbi əməliyyatlarının regionda gərginliyi daha da artırdığını bildirib.
İsrailin Channel 12 telekanalının məlumatına görə, Tel-Əviv ABŞ-a müraciət edərək hərbi əməliyyatların genişləndirilməsi, o cümlədən Beyruta hava zərbələri endirilməsi üçün dəstək istəyib.
Bu məlumat İsrail-Livan sərhədində və Livanın cənubunda hərbi eskalasiyanın artdığı bir vaxtda yayılıb.
ABŞ senatoru Lindsi Qrem isə bildirib ki, İranla istənilən razılaşma Tehranı nüvə proqramından imtina etdirməli, Hörmüz boğazını açmalı və terrorçu qrupların maliyyələşdirilməsini dayandırmalıdır.
Qremin sözlərinə görə, bu proses İsrailin Hizbullah və HƏMAS-a qarşı əməliyyatları ilə əlaqələndirilməməlidir.
Açıqlamalar ABŞ-İran danışıqları, İsrailin Livandakı əməliyyatları və regional təhlükəsizlik böhranının bir-birinə bağlandığı mürəkkəb diplomatik mərhələdə səslənib.