Qalatasaray klubu UEFA Avropa Liqasının ilk həftəsində Yunanıstanın PAOK komandası üzərində qələbə qazanaraq mövsümə uğurlu start verdi. İstanbuldakı "Rams Park" stadionunda keçirilən görüşdə "Cim Bom" 3-1 hesabı ilə qalib gəldi. Bu qələbə, komandanın Avropa arenasında uzun müddətdir davam edən uğursuz seriyasına son qoydu.
Redaksiya məlumat verir ki, qarşılaşmanın ilk hissəsində hər iki komanda qol vurmaq üçün bir-birinə güclü müqavimət göstərdi. Lakin, hesabı açmaq mümkün olmadı və fasiləyə 0-0 hesabı ilə yekun vuruldu. İkinci hissəyə daha sürətli başlayan Galatasaray, Abdul Rahman Baba'nın öz qapısına vurduğu qolla hesabda önə keçdi. PAOK, Konstanteliasın qolu ilə hesabı bərabərləşdirsə də, Yunus Akgün yenidən komandasını önə çıxardı. Oyunun son dəqiqələrində Mauro İkardinin qolu ilə Galatasaray qələbəni rəsmiləşdirdi.
Bu qələbə, Galatasaray üçün Avropa kuboklarındakı son üç oyundakı məğlubiyyət seriyasına son qoydu. Komanda, son 15 Avropa Liqası oyununda cəmi iki dəfə məğlub olub. Eyni zamanda, Galatasaray, Yunanistan komandaları ilə ev oyunlarında dördüncü dəfə də qalib gəldi. Arqentinalı ulduz Mauro İkardi, zədəsindən sonra ilk oyununda qol vuraraq komandasına dəstək oldu. Yunus Akgün son üç oyunda iki qol vuraraq diqqət çəkdi. Osimhen isə, qol vurmaq şanssızlığı ilə üzləşdi. Qapıçı Günay Güvenç, kritik bir vəziyyətdə komandasını xilas etdi.
Qələbədən sonra İkardinin rəhbərliyi ilə komanda və azarkeşlər arasında "üçlü" təzahüratı səsləndirildi. Bu, komandanın qələbələrindən sonra artıq ənənəyə çevrilmiş bir hadisədir.
M.Sadiq