Rusiya Prezidenti Vladimir Putin gələn həftə Pekində Çin lideri Si Cinpinlə görüşəcək.
Redaksiya xəbər verir ki, Kreml Putinin 19-20 may tarixlərində Çinə iki günlük səfər edəcəyini açıqlayıb. Bu elan ABŞ Prezidenti Donald Trampın Pekin səfərini başa vurmasından 24 saat keçməmiş verilib.
Kremlin məlumatına görə, Putin və Si Cinpin ikitərəfli münasibətləri, iqtisadi əməkdaşlığı, regional və beynəlxalq məsələləri müzakirə edəcəklər.
Səfər Çin-Rusiya Dostluq Müqaviləsinin imzalanmasının 25-ci ildönümü ərəfəsinə təsadüf edir. Moskva və Pekin Ukrayna müharibəsindən sonra Qərb sanksiyaları fonunda əlaqələrini daha da gücləndiriblər.
ABŞ mediası qeyd edir ki, Rusiya Qərb sanksiyaları səbəbindən ticarət və iqtisadi əməkdaşlıq baxımından Çindən daha çox asılı vəziyyətə düşüb.