Rusiya Prezidenti Vladimir Putin Ukrayna hakimiyyətinin müharibədə uğur qazana bilməyəcəyini bildirib.
Redaksiya xəbər verir ki, Putin Rusiyada insanların “nə üçün və nəyə görə mübarizə apardıqlarını” anladıqlarını deyib.
Onun sözlərinə görə, ordunun vəziyyəti, cəmiyyətin birliyi və ümumi məqsəd ətrafında səfərbərlik qələbənin əsas şərtləridir.
Putin bu vəziyyəti Rusiyanın tarixindəki böyük müharibələrlə müqayisə edib. O, 1812-ci il Vətən müharibəsini və 1945-ci ildə İkinci Dünya müharibəsində qələbəni xatırladıb.
“1812-ci ildə də belə idi, 1945-ci ildə də. İndi də eyni proses baş verir”, — deyə Putin bildirib.
Açıqlama Moskvanın Ukrayna müharibəsini tarixi müqavimət və milli birlik kontekstində təqdim etməyə davam etdiyini göstərir.