Son aylarda stabil olaraq artan operativ yaddaş (RAM) qiymətlərində ilk dəfə olaraq ucuzlaşma müşahidə olunur. Bu tendensiya yaddaş bazarında mövcud olan krizin aradan qalxmaq üzrə olduğuna işarə edir.
Redaksiya məlumat verir ki, populyar operativ yaddaş modullarının dəyəri artıq aşağı düşüb. Məsələn, Corsair Vengeance DDR5 32GB modulu, cəmi bir həftə əvvəl 490 ABŞ dollarına satıldığı halda, hazırda 380 ABŞ dollarına təklif olunur.
Bu qiymət enişinin əsas səbəbi, Google tərəfindən bir neçə gün əvvəl təqdim olunan TurboQuant texnologiyasıdır. Bu yenilikçi texnologiya, neyron şəbəkələrinin operativ yaddaş istehlakını 6 dəfə azaltdığı, hesablama sürətini isə 8 dəfə artırdığı bildirilir. Ən diqqətçəkici məqam isə, bütün bu təkmilləşdirmələrin süni intellekt modelinin keyfiyyətində heç bir itki olmadan əldə edilməsidir.