Yapay zeka sahəsində qabaqcıl şirkətlərdən biri olan OpenAI-nin əməkdaşlarının sayını əhəmiyyətli dərəcədə artırmağı planlaşdırdığı iddia edilir. Məlumata görə, şirkət 2026-cı ilə qədər işçi qüvvəsini mövcud 4.500 nəfərdən 8.000 nəfərə çatdırmağı hədəfləyir. Bu genişlənmənin əsas səbəblərindən biri ABŞ Müdafiə Nazirliyi ilə imzalanan müqavilə və digər mühüm tərəfdaşlıqlardır ki, bu da daha çox mütəxəssis və mühəndisə ehtiyac yaradır.
Redaksiya məlumat verir ki, OpenAI həmçinin özəl süni intellekt çiplərinin hazırlanması və 2027-ci ildə təqdim edilməsi gözlənilən son istifadəçiyə yönəlmiş ilk aparat məhsulunun inkişafı üçün də heyətini sürətlə genişləndirmək niyyətindədir. Şirkət son dövrlərdə bir sıra əhəmiyyətli satınalmalarla da öz işçi heyətini gücləndirir. Bu istiqamətdə atılan addımlardan biri də Astral şirkətinin alınması üçün müqavilə imzalanmasıdır. Astral, uv, Ruff və ty kimi populyar açıq mənbəli Python proqramlaşdırma alətlərinin arxasında duran şirkətdir.
Bundan əvvəl isə OpenAI-nin Promptfoo şirkətini satın aldığı bildirilmişdi. Bu barədə verilən açıqlamada qeyd olunurdu ki, "Promptfoo-nu öz struktumıza daxil edirik. Promptfoo-nun inkişaf etdirdiyi texnologiyalar OpenAI Frontier çərçivəsində agent təhlükəsizliyi testləri və qiymətləndirmə imkanlarımızı gücləndirəcək. Promptfoo mövcud lisenziyası altında açıq mənbə olaraq qalacaq və mövcud müştərilərə xidmət və dəstək göstərilməsi davam etdiriləcək." Bu məlumatlar Ian Webster və Michael D’Angelo tərəfindən də təsdiqlənmişdir.