Microsoft, İsrailin 8200 Hərbi Kəşfiyyat Birliyinin Qəzzadakı bombardman hədəflərini müəyyənləşdirmək məqsədilə milyonlarla fələstinliyə aid dinləmə yazılarını saxlamaq üçün Azure bulud platformasından istifadə etdiyi iddiaları ilə bağlı araşdırmaya başlayıb. Bu barədə The Guardian məlumat yayıb.
Redaksiya xəbər verir ki, iddialar, münaqişə bölgəsində texnologiya şirkətlərinin roluna dair etik və hüquqi sualları gündəmə gətirib. Microsoft rəhbərliyi məsələ ilə bağlı daxili araşdırma aparıldığını və nəticələrin şəffaf şəkildə açıqlanacağını bildirib.
Beynəlxalq müşahidəçilər hesab edirlər ki, bu iddialar sübuta yetirilərsə, həm İsrailin hərbi əməliyyatlarının, həm də qlobal texnologiya şirkətlərinin fəaliyyətinin beynəlxalq hüquq çərçivəsində yenidən qiymətləndirilməsinə səbəb ola bilər.
Fərid Əlizadə