Yunanıstanın baş naziri Kiriakos Miçotakis Türkiyəyə üstüörtülü mesaj verib. O bildirib ki, Afina Ankara ilə yaxşı münasibətlər qurmaq istəyir, lakin irəliləyişin yolu dialoqdan keçir, silahların dilindən yox.
Redaksiya xəbər verir ki, Miçotakis çıxışında 2019-cu ildən bəri Yunanıstanın müdafiə sahəsində əldə etdiyi inkişafı xatırladıb. Onun sözlərinə görə, ölkənin Hava Qüvvələri artıq 42 ədəd modernləşdirilmiş F-16 qırıcısını və 24 ədəd Rafale təyyarəsini təhvil alıb. İlk F-35 qırıcılarının isə 2028-ci ildə gözlənildiyini qeyd edib.
Baş nazir həmçinin yaxın aylarda Yunanıstanın ilk Belharra tipli freqatlarını da təhvil alacağını bildirib. O, bu prosesin ölkənin müdafiə qabiliyyətini yeni mərhələyə yüksəltdiyini vurğulayıb.