Ekspertlər xəbərdarlıq edirlər ki, internet fırıldaqçıları məşhur texnologiya şirkətlərinin (məsələn, Microsoft, Google, Amazon və s.) adlarını təqlid edən saxta domenlər yaradaraq istifadəçiləri aldatmağa çalışırlar.
Redaksiya xəbər verir ki, dələduzlar şirkət adlarını oxşar hərf kombinasiyaları ilə dəyişdirirlər — məsələn, “microsoft” (MICROSOFT) əvəzinə “rnicrosoft” (RNICROSOFT) domenini yaradırlar. Belə e-poçtlar vasitəsilə göndərilən fişinq mesajları milyonlarla istifadəçinin şəxsi məlumatlarını və maliyyə məlumatlarını ələ keçirməyə yönəlib.
Mütəxəssislər istifadəçiləri diqqətli olmağa, elektron məktublarda göndərici ünvanını diqqətlə yoxlamağa və şübhəli linklərə keçid etməməyə çağırır.