İsrailin xarici işlər naziri Gideon Saar Livanın cənubunda İsrail Müdafiə Qüvvələri (IDF) əsgəri tərəfindən xristian dini simvolunun məhv edilməsini ciddi və utancverici bir hadisə adlandırıb. O, bu hərəkətin İsrailin dəyərlərinə tamamilə zidd olduğunu vurğulayıb.
Redaksiya xəbər verir ki, nazir bu hadisəni pisləyən və məsələ ilə bağlı araşdırmaya başlayan IDF-in bəyanatını yüksək qiymətləndirib. Gideon Saar bu alçaq hərəkəti törədən şəxsə qarşı zəruri sərt tədbirlərin görüləcəyinə inandığını bildirib.
Nazir bir daha vurğulayıb ki, bu utancverici hərəkət İsrailin dəyərlərinə tamamilə ziddir. İsrail müxtəlif dinlərə və onların müqəddəs simvollarına hörmət edən, inanclar arasında tolerantlığı və hörməti uca tutan bir ölkədir.