İsrail ordusundan verilən açıqlamada, Tehran rejiminin hərbi potensialını zəiflətməyə istiqamətlənən hücumların davam etdiyi iddia olunub. Bu əməliyyatların, İranın dənizçilik sənayesi və silah istehsalı müəssisələrini hədəf aldığı qeyd edilib.
Redaksiya mənbəyə istinadən xəbər verir ki, Tahranda Dənizçilik Sənayesi Təşkilatı və silah istehsalı obyektlərinin hədəfə alındığı bir hücum dalğasının başa çatdığı elan edilib. Açıqlamada, bu hücum dalğasının gecə saatlarında 50 döyüş təyyarəsi ilə həyata keçirildiyi bildirilib.
İran Dənizçilik Sənayesi Təşkilatının gəmi, sualtı qayıqlar, mülki və pilotsuz texnikalar, eləcə də mühərrik və silahların tədqiqi, inkişafı və istehsalından məsul olduğu qeyd edilib. Bu hücumla İranın dəniz silahları istehsal etmə qabiliyyətinin zəiflədildiyi irəli sürülüb. Hədəf alınan silah istehsalı müəssisələrinin isə müxtəlif silah sistemləri və hava hücumundan müdafiə sistemlərinin istehsalı və inkişafından cavabdeh olduğu iddia edilib.