Tesnim Xəbər Agentliyi, İran İslam İnqilabı Keşikçiləri Korpusunun "Həqiqi Vədə-4" əməliyyatlarının 52-ci dalğası ilə bağlı yaydığı açıqlamanı dərc edib. Açıqlamada, "Netanyahunun sağ olması halında onu təqib edib öldürməyə yönəlmiş hücumlarımıza qətiyyətlə davam edəcəyik" ifadəsi yer alıb.
Redaksiya məlumat verir ki, İnqilab Keşikçilərinin 52-ci dalğa hücumlarında Təl-Əvivin sənaye bölgələrinin ağır raketlərlə hədəfə alındığı vurğulanıb. Açıqlamada həmçinin Erbil el-Harir Hava Bazasının, Küveytin Əli əs-Salim və Camp Arifjan bazalarındakı sənaye bölmələrinin, eləcə də ABŞ qüvvələrinin toplandığı mərkəzlərin raket və pilotsuz uçuş aparatları (PUA) ilə vurulduğu qeyd edilib.
Anadolu Agentliyinin müxbiri İsrail Baş Nazirliyinin ofisinə sosial mediada yayılan "Netanyahunun öldürüldüyü" iddiaları ilə bağlı açıqlama verib-verməyəcəklərini soruşduqda, cavabda "Bunlar yalan xəbərdir, Baş nazir yaxşı vəziyyətdədir" ifadəsi işlədilib. Netanyahu martın 13-də onlayn keçirdiyi mətbuat konfransında İsrail daxilində verilən hücum xəbərdarlığı səsini eşitməməsi və ardınca sosial mediada süni intellekt tərəfindən yaradıldığı iddia edilən bəzi videoların yayılması, bu cür iddialara əsas gətirilib.