Ermənistan, ABŞ-a Azərbaycan ilə Naxçıvan Muxtar Respublikası arasında tranzit dəhlizinin inkişafı üzrə eksklüziv hüquqlar təqdim etməyə hazırlaşır. Reuters-in məlumatına görə, “Beynəlxalq sülh və rifah naminə Tramp marşrutu” adlandırılan bu layihə Cənubi Qafqazdan keçən strateji nəqliyyat yolunun yaradılmasını nəzərdə tutur.
Redaksiya xəbər verir ki, 8 avqustda Ağ Evdə ABŞ prezidenti Donald Tramp, Azərbaycan Prezidenti İlham Əliyev və Ermənistanın baş naziri Nikol Paşinyanın iştirakı ilə danışıqlar və müqavilələrin imzalanması planlaşdırılır. Razılaşmaya əsasən, 1992-ci ildən Ermənistan və Azərbaycan arasında münaqişənin həlli ilə məşğul olan Minsk qrupu fəaliyyətini dayandıracaq.
Donald Tramp bəyan edib ki, Ağ Evdə keçiriləcək görüş zamanı Ermənistan və Azərbaycan liderləri sülh sazişinə imza atacaqlar. Bu addımın regionda uzunmüddətli sabitlik və əməkdaşlıq üçün yeni imkanlar yaradacağı gözlənilir.
Sevinc Kərimova