Eloquent AI maliyyə institutları üçün xüsusi süni intellekt həlləri hazırlayan şirkət “seed” (toxum) investisiya turunu ümumilikdə 8,4 milyon dollarla başa çatdırdığını bildirib. İnvestisiya turuna Foundation Capital rəhbərlik edib, Revo Capital isə turda iştirak edib. Qeyd olunur ki, bu investisiya Revo Capital-ın 2025-ci ildə təsis etdiyi 100 milyon dollarlıq Fund III çərçivəsində həyata keçirilib. Şirkətin investisiya turu ilkin olaraq 7,4 milyon dollar kimi elan edilmişdi.
Redaksiya məlumat verir ki, ABŞ mərkəzli Eloquent AI yeni investisiyanı maliyyə institutları üçün nəzərdə tutulan “Yapay Zeka Operatör” (Süni İntellekt Operatoru) platformunu miqyaslandırmaq və Avropa da daxil olmaqla qlobal bazara çıxarmaq üçün istifadə edəcəyini açıqlayıb. Şirkət bildirir ki, 2025-ci ildə Tuğçe Bulut və maşın öyrənməsi üzrə professor Dr. Aldo Lipani tərəfindən yaradılıb. Şirkətin əsas məhsulu banklar, fintech-lər və sığorta şirkətləri kimi yüksək tənzimlənən qurumlar üçün nəzərdə tutulub.
Şirkətin təqdim etdiyi məhsul “Yapay Zeka Operatörü”ndən ibarətdir və mürəkkəb əməliyyat iş axınlarının avtomatlaşdırılmasına imkan verir. Bu iş axınlarına onboarding doğrulaması, mübahisə və chargeback əməliyyatları, sanksiyaların (yəni məhdudiyyətlərin) skan edilməsi və uyğunluq (compliance) əməliyyatları kimi proseslər daxildir. Platform tənzimlənən maliyyə iş axınları üzrə öyrədilmiş çoxmodlu böyük dil modelindən istifadə edir. Bunun nəticəsində qurumun daxili sistemləri arasında təhlükəsiz və yoxlanıla bilən şəkildə əməliyyat aparmaq mümkün olur.
Platform arxitekturasına inteqrasiya olunmuş nəzarət, müşahidə edilə bilənlik və uyğunluq təhlükəsizlik tədbirləri yüksək riskli proseslərin avtomatlaşdırılması zamanı təhlükəsizliyi və idarəolunmanı təmin edir. Revo Capital-ın təsisçi tərəfdaşı Cenk Bayrakdar Eloquent AI-nın fintech infrastrukturunun gələcəyini formalaşdıracağına diqqət çəkərək, təsisçiləri qlobal miqyasda dəstəkləməkdən məmnun olduqlarını bildirib.