İllik qiymətləndirmələrə əsasən, dünyanın ən varlı şəxslərinin maliyyə göstəriciləri yenilənib və ilk onluqda böyük sərvətə malik iş adamları yer alıb. Siyahıya liderlik edən İlon Maskın sərvəti 677 milyard dollar olaraq göstərilib.
Redaksiya Forbes-ə istinadla xəbər verir ki, Forbes-un açıqladığı siyahıda ikinci pillədə 252,6 milyard dollarlıq sərvətlə Lerri Peyc qərarlaşıb. Onun ardınca 236,7 milyard dollarlıq sərvətə malik Lerri Ellison və 235,1 milyard dollarla Ceff Bezos gəlir. Siyahının beşinci sırasında isə 233,1 milyard dollarlıq sərvətlə Serqey Brin yer alıb.
Dünyanın ən varlı altıncı şəxsi 223,2 milyard dollar sərvətə sahib Mark Zukerberq olub. Onu 189,3 milyard dollarla Bernar Arno, 153,7 milyard dollarla Censen Huang və 148,5 milyard dollarla Uorren Baffet izləyir. İlk onluğun son pilləsində isə 144,7 milyard dollarlıq sərvətə malik Stiv Ballmer qərarlaşıb.
Siyahı qlobal texnologiya sektorunun maliyyə üstünlüklərini bir daha təsdiqləyir və sərvət artımının əsasən innovasiya yönümlü şirkətlərdə cəmləndiyini göstərir. Bu tendensiyanın növbəti illərdə də davam edəcəyi gözlənilir.