Çində Xpeng Inc. şirkətinə məxsus iki uçan avtomobil Çançunda keçirilən aviaşou məşqi zamanı havada toqquşub. Bloomberg xəbər verir ki, hadisə nəqliyyat vasitələrinin bir-birinə həddən artıq yaxın uçması nəticəsində baş verib.
Redaksiya xəbər verir ki, insident, kütləvi istehsalı 2026-cı ilə planlaşdırılan Land Aircraft Carrier adlı uçan avtomobilin təqdimatına hazırlaşan Xpeng şirkəti üçün ciddi zərbə ola bilər. Hazırda bu model Çində sifariş üçün əlçatandır.
Hadisə şirkətin reputasiyasına və bazar planlarına mənfi təsir göstərə biləcək mühüm sınaq mərhələsində baş verib.