Böyük Britaniyada inflyasiya iyul ayında artaraq 3,8 faizə yüksəlib. Bu, iyun ayındakı 3,6 faiz göstəricisindən daha yüksəkdir və son 18 ayın ən yüksək səviyyəsi hesab olunur. Artım əsasən ərzaq və nəqliyyat xərclərinin bahalaşması, həmçinin son 24 ildə hava biletlərində ən böyük qiymət sıçrayışı ilə əlaqələndirilir.
Redaksiya xəbər verir ki, xidmət sektorunda qiymətlərin artımı da proqnozları üstələyərək 5 faizə çatıb. İngiltərə Bankı inflyasiyanın sentyabrda 4 faizlə zirvəyə çatacağını, daha sonra isə tədricən azalacağını gözlədiyini açıqlayıb. Lakin iqtisadçılar inflyasiyanın davamlı ola biləcəyinə diqqət çəkərək, faiz dərəcələrinin tez bir zamanda azaldılmasına dair siyasətçilərin narahatlığını qabardırlar.
Ərzaq qiymətləri ötən ilin eyni dövrü ilə müqayisədə 4,9 faiz artıb. Bu artıma xüsusilə mal əti, şokolad, portağal şirəsi və qəhvə qiymətləri təsir göstərib.
Mütəxəssislər həmçinin son dövrlərdə tətbiq olunan vergi artımlarını vətəndaşların həyat səviyyəsini pisləşdirən əsas amillərdən biri kimi qiymətləndirirlər.
Fərid Əlizadə