Avropanın bir sıra şəhərlərində Fələstinlə həmrəylik nümayişləri keçirilib. Roma və Barselona şəhərlərində on minlərlə insan İsrailin Qəzzadakı hərbi əməliyyatlarına etiraz edib və Fələstin xalqına dəstək şüarları səsləndirib.
Redaksiya xəbər verir ki, Romada keçirilən aksiyada azı 200 min nəfərin iştirak etdiyi təxmin olunur. Barselonada isə şəhər tarixinin ən böyük nümayişlərindən biri baş tutub — 300 mindən çox insan küçələrə çıxaraq Fələstinə azadlıq tələbi ilə yürüş edib.
Təşkilatçılar bildiriblər ki, məqsəd dünya ictimaiyyətinə mülki insanların müdafiəsi üçün təcili atəşkəs çağırışını çatdırmaq və Qəzzada humanitar yardımın bərpasına dəstək ifadə etmək olub.