Slovakiyalı Avropa Parlamenti üzvü Lubos Blaha Ursula fon der Leyenə qarşı sərt açıqlamalar səsləndirib.
Redaksiya xəbər verir ki, deputat Avropa Komissiyasının rəhbərini Rusiyaya münasibətdə nifrət yaymaqda ittiham edib.
Onun sözlərinə görə, Almaniya tarixində slavyan xalqlarına qarşı ağır cinayətlər törədilib və Avropa bu keçmişdən nəticə çıxarmalıdır.
Slovak siyasətçi Ursula fon der Leyenin Moskvaya gedərək üzr istəməli olduğunu bildirib.
Açıqlama Avropa İttifaqı ilə Rusiya arasında münasibətlərin gərgin olaraq qaldığı və Ukrayna müharibəsi fonunda qarşılıqlı ittihamların artdığı bir dövrdə səsləndirilib.