Avropa Komissiyasının prezidenti Ursula fon der Leyen sabah Ağ Evdə keçiriləcək görüşdə Ukrayna prezidenti Vladimir Zelenskiyə qoşulacaq. Onun səfəri Avropa İttifaqının Ukraynaya dəstəyinin güclü mesajı kimi qiymətləndirilir.
Redaksiya xəbər verir ki, Ursula fon der Leyen bu barədə “X” sosial şəbəkəsində paylaşım edərək Tramp və Zelenski ilə müzakirələrin sülh və təhlükəsizlik məsələlərinə fokuslanacağını bildirib.
Qeyd edək ki, Ağ Evdə baş tutacaq yüksək səviyyəli görüşdə əsas mövzular Rusiya-Ukrayna müharibəsi, regional təhlükəsizlik və Qərbin Ukraynaya dəstəyi olacaq. Ursula fon der Leyenin iştirakının Brüsselin Vaşinqton və Kiyevlə mövqelərini koordinasiya etmək baxımından mühüm addım olduğu vurğulanır.
Sevinc Kərimova