ABŞ senatoru Lindsi Qrem İranla bağlı mövqeyini açıqlayaraq ABŞ prezidenti Donald Trampa birbaşa müraciət edib və ölkədəki hadisələrə sərt reaksiya verilməsini tələb edib.
Redaksiya məlumat verir ki, senator çıxışında İran rəhbərliyinin etirazçılara qarşı zorakılıq tətbiq etdiyini iddia edərək, Trampı xalqın tərəfində dayanmağa və bu prosesə son qoymağa çağırıb.
Qrem bildirib ki, onun fikrincə, belə addım regionda sülhün bərqərar olmasına, terrorizmin dövlət dəstəyi mexanizmlərinin zəifləməsinə və Yaxın Şərqdə yeni siyasi mərhələnin başlanmasına gətirib çıxara bilər.
Senator həmçinin İran cəmiyyətində narazılığın dərinləşdiyini, xüsusilə gənclərə qarşı sərt davranışların qəbuledilməz olduğunu vurğulayaraq, Ayətolla hakimiyyətinin xalqın iradəsini əks etdirmədiyini iddia edib.