ABŞ Ədliyyə Nazirliyi Ceffri Epşteyn işi ilə bağlı sənədlər paketində yer alan və Donald Trampa aid olduğu bildirilən fotoşəkli yenidən ictimaiyyətə təqdim edib. Sözügedən material daha əvvəl açıqlanan sənədlər toplusunun tərkib hissəsi kimi diqqət çəkib.
Redaksiya xəbər verir ki, bundan əvvəl həmin şəkillərin rəsmi mənbələrdən silinməsi ilə bağlı ABŞ ictimaiyyətində və siyasi dairələrdə ciddi narazılıqlar yaranmışdı. Məsələ xüsusilə şəffaflıq və sənədlərin tam açıqlanması kontekstində müzakirə olunurdu.
Nazirliyin bu addımı ictimai təzyiqlər fonunda atılmış qərar kimi qiymətləndirilir. Yenidən yayımlanan materiallar Epşteyn işi ətrafında aparılan araşdırmalara marağı daha da artırıb.
Qeyd edək ki, sənədlərdə adı keçən şəxslər arasında ABŞ prezidenti Donald Tramp da yer alır. Rəsmi qurumlar açıqlanan materialların hüquqi qiymətləndirilməsinin davam etdiyini bildiriblər.