Ukrayna prezidenti Volodimir Zelenski sosial media hesabı üzərindən paylaşımında Kiyevdəki iş ofisində jurnalistlərlə görüşərək gündəmlə bağlı sualları cavablandırdığını bildirib. O, Rusya-Ukrayna müharibəsinin bitirilməsi istiqamətində ABŞ-Ukrayna-Rusiya arasında daha əvvəl üçtərəfli görüşlərin keçirildiyini xatırladıb və bu cür danışıqların davam etməli olduğunu qeyd edib.
Redaksiya məlumat verir ki, Zelenski Rusiyanın gərginliyi azaltmaq yolunu seçəcəyi halda üçtərəfli görüşün olacağını düşündüyünü bildirib və bunun apreldə, mayda və ya iyunda keçirilə biləcəyini deyib. Zelenski, ABŞ-nin böhranı həll etmək yönündə bu görüşləri seçkiqabağı kampaniyaya qədər dayandırmağa çalışacağını iddia edərək “Düşünürəm ki, sentyabr ayına qədər bizim üçün çox çətin olacaq. Düşünmürəm ki, amerikalılar bu dialoq üçün heç kimə daha çox vaxt versinlər. Bu yaz və yay siyasi və diplomatik baxımdan asan olmayacaq. Ukrayna narahatdır.” qiymətləndirməsini səsləndirib.
Zelenski Ukraynanın milli maraqlarını və təhlükəsizliyini qoruyaraq fəaliyyətini davam etdirəcəyini vurğulayıb. Zelenski cəbhə xəttində Rusiya ordusunun “böyük” itkilər verdiyini iddia edib.
Zelenski Rusiya tərəfindən Ukraynanın Donetsk vilayətində bu ayın sonuna qədər Drujkivka, Konstantinivka şəhərləri ilə Pokrovsk şəhərinin tam ələ keçirilməsinin planlaşdırıldığını, lakin bunun mümkünsüz olduğunu söyləyib. O, İranın “Şahed” tipli pilotsuz uçuş aparatlarına (İHA) qarşı mübarizə ilə bağlı yaxınlarda Körfəz ölkələri ilə bəzi razılaşmalar əldə etdiyini xatırladıb.
Zelenski regiondakı bəzi ölkələrlə müdafiə sahəsində əməkdaşlıq razılaşmaları barədə də məlumat verib. O, “Bizim üç ölkə ilə 10 illik müqavilələrimiz var. Ukrayna şirkətləri müəyyən bir obyekti qorumaq üçün bu ölkələrin hərbçiləri ilə birlikdə çalışacaqlar.” bildirib. Zelenski Umman, Küveyt və Bəhreynlə də danışıqların davam etdiyini qeyd edib və belə əməkdaşlıqların müqabilində Ukraynanın enerji sektorunu qorumaq üçün önləyici sistemlər və enerji mənbələri alacağını vurğulayıb.