Yaponiyanın Rusiyadakı səfiri Akira Muto Rusiya Xarici İşlər Nazirliyinə çağırıldıqdan sonra təxminən 20 dəqiqə davam edən görüşü başa vuraraq binanı tərk edib. Görüş Prezident Vladimir Putinin mübahisəli İturup adasına səfəri ilə bağlı Tokionun etirazından sonra keçirilib. Bu barədə Reuters məlumat yayıb.
Redaksiya istinadla xəbər verir ki, Moskva Yaponiyanın etirazına rəsmi cavab verərək Tokionun hazırkı mövqeyini davam etdirəcəyi təqdirdə müvafiq əks tədbirlər görmək hüququnu özündə saxladığını bildirib.
Rusiya tərəfi Putinin İturupa səfərinin ölkənin daxili məsələsi olduğunu müdafiə edir. Yaponiya isə adanı özünün Şimal Ərazilərinin bir hissəsi hesab edir və Rusiya rəhbərliyinin səfərinə etirazını bildirib.
İturup Rusiya ilə Yaponiya arasında uzun illərdir davam edən ərazi mübahisəsinin əsas nöqtələrindən biridir. Moskvanın yeni xəbərdarlığı iki ölkə arasında onsuz da gərgin olan münasibətlərin daha da kəskinləşə biləcəyini göstərir.