Azərbaycanda WUF13 tədbiri çərçivəsində təşkil edilən müvəqqəti xüsusi hərəkət zolaqları mayın 15-dən qüvvəyə minir. Bu barədə AYNA məlumat yayıb.
Redaksiya istinadla məlumat verir ki, həmin zolaqlar tədbir müddətində yalnız WUF13 üçün nəzərdə tutulan avtobuslar və müntəzəm marşrut avtobusları üçün açıq olacaq.
Qüvvədə olma müddətində digər nəqliyyat vasitələrinin bu zolaqlara daxil olmasına icazə verilməyəcək. Məqsəd tədbir iştirakçılarının daşınmasını sürətləndirmək və şəhər nəqliyyatında hərəkətin daha səmərəli təşkilidir.
Tədbir başa çatdıqdan sonra müvəqqəti nişanlar yığışdırılacaq. Bundan sonra bütün nəqliyyat vasitələri həmin zolaqlardan adi qaydada istifadə edə biləcək.
Sürücülərə mayın 15-dən etibarən yol nişanlarına və hərəkətin təşkili ilə bağlı müvəqqəti qaydalara diqqət etmələri tövsiyə olunur.