Vyetnam və Azərbaycan müdafiə sahəsində əməkdaşlığı gücləndirir

Vyetnam və Azərbaycan müdafiə sahəsində əməkdaşlığı gücləndirir

Sevinc Kərimova · Hərbi ·

Vyetnamın müdafiə naziri, ordu generalı Fan Van Ciang Azərbaycan müdafiə naziri, general-polkovnik Zakir Həsənovu rəsmi qarşılanma mərasimində qəbul edib. Həsənovun səfəri Vyetnamda Avqust inqilabının və Milli Günün 80 illiyi münasibətilə keçirilən hərbi paradla eyni vaxta təsadüf edib.

Redaksiya xəbər verir ki, tərəflər arasında keçirilən danışıqlarda müdafiə sənayesi, hərbi ticarət və logistika sahələrində əməkdaşlığın genişləndirilməsi razılaşdırılıb. Bundan əlavə, qarşılıqlı müdafiə attaşeliklərinin açılması və hərbi təhsil mübadiləsi imkanlarının nəzərdən keçirilməsi təklif olunub.

Fan Van Ciang qeyd edib ki, Vyetnam Azərbaycan hərbi kursantlarını dil və zabit hazırlığı proqramlarında qəbul etməyə hazırdır. Zakir Həsənov isə bildirib ki, ikitərəfli əməkdaşlığın inkişafı hər iki ölkə arasında münasibətlərin möhkəmlənməsinə real töhfə verəcək.

Görüş çərçivəsində Vyetnam və Azərbaycan müdafiə nazirlikləri hərbi hazırlıq sahəsində əməkdaşlığa dair Anlaşma Məktubu imzalayıb.