Venesuela prezidenti Nikolas Maduro ABŞ prezidenti Donald Tramp ilə baş tutan telefon danışığının qarşılıqlı hörmət və nəzakət ruhunda keçdiyini bildirib və bu ünsiyyətin gələcək diplomatik addımlar üçün siqnal ola biləcəyini vurğulayıb.
Redaksiya məlumat verir ki, Maduro açıqlamasında əgər bu təmas dövlətlər arasında qarşılıqlı hörmətə əsaslanan dialoqa aparan yolun başlanğıcıdırsa, Venesuelanın həmişə diplomatiyanı üstün tutacağını bəyan edib.
Maduro qeyd edib ki, iki ölkə arasındakı münasibətlərdə qarşıdurmadan çox dialoq və əməkdaşlıq imkanlarının araşdırılması regional sabitlik üçün mühüm əhəmiyyət kəsb edir.
Venesuela rəhbəri əlavə edib ki, rəsmi Karakas müzakirələrə açıqdır və bütün məsələlərin diplomatik kanallar vasitəsilə həllini dəstəkləyir.