Uqanda ordusunun komandiri Dalyarak Kaineruqaba Türkiyə ilə bağlı sərt bəyanatlar səsləndirib. O, Türkiyə ilə münaqişə istəmədiyini vurğulasa da, onların Uqandaya qarşı sağ qalmaq şansının olmadığını bildirib. Komandir həmçinin 1 milyard dollar təzminat və Türkiyədən evlənmək üçün "ən gözəl qadını" (?) təhvil verməsini tələb edib.
Redaksiya məlumat verir ki, komandir Kaineruqaba İsraildə 100.000 Uqanda əsgərini səfərbər etməyə hazır olduğunu da bəyan edib. Birləşmiş Millətlər Təşkilatında Uqandanın daimi nümayəndəsi Ayebare isə bu tvitlərin Uqandanın ciddi narahatlıqlarının həll olunma tərzindən narazılığı əks etdirdiyini bildirib.
Ayebare qeyd edib ki, Uqanda türkiyəli dostları ilə tərəfdaşlığını yüksək qiymətləndirir, lakin bu, ölkənin suverenliyi hesabına olmamalıdır. O əlavə edib ki, Uqanda öz narahatlıqlarını həll etmək üçün xoşməramlı müzakirələr aparmağı səbirsizliklə gözləyir. Nümayəndə əmin olduğunu bildirib ki, komandir Kaineruqaba da bu mövqeyi dəstəkləyir.
Bütün sadalanan iddiaların heç bir rəsmi səbəbi izah olunmayıb.