Yaponiyanın məşhur geyim brendi Uniqlo Rusiyaya geri dönməyə hazırlaşır. Şirkət 31 avqust tarixində Rospatentə 10 yeni ticarət nişanının qeydiyyatı üçün müraciət edib.
Redaksiya xəbər verir ki, müraciətlər arasında “Uniqlo” və “Yuniklo” adları da yer alır. Bu addımın yaxın vaxtlarda Yapon brendinin Rusiyanın ticarət mərkəzlərində mağazalarını yenidən açmasına imkan yaradacağı bildirilir.
Məlumatlara görə, Uniqlo-nun geri dönüşü Rusiya bazarındakı geyim sektorunda rəqabəti gücləndirə bilər. Brendin əvvəlki fəaliyyətində olduğu kimi, əsas diqqət kütləvi bazara yönəlmiş əlçatan geyim məhsullarının satışına veriləcək.