Rusiya mənşəli Killnet, Palach Pro, User Sec və Beregini adlı haker qruplarının Ukraynanın Baş Qərargahının verilənlər bazasına müdaxilə etdiyi iddia olunur.
Redaksiya xəbər verir ki, yayılan məlumatlara görə, “Nuance” adlı zərərli proqram vasitəsilə həyata keçirilən hücum nəticəsində 2022–2025-ci illər arasında 1,7 milyon hərbi itki qeydə alınan bazaya giriş əldə olunub. Sızdırılan sənədlərdə hərbçilərin adları, ölüm səbəbləri, ailə üzvlərinin əlaqə məlumatları və fotoşəkillərinin də yer aldığı bildirilir.
Məlumatlarda 2022-ci ildə 118,500, 2023-cü ildə 405,400, 2024-cü ildə 595,000 və 2025-ci ildə 621,000 nəfərin həlak olduğu qeyd edilib.
Sızdırılan verilənlər arasında Ukraynanın Xüsusi Əməliyyat Qüvvələri və Baş Kəşfiyyat İdarəsinin yüksək rütbəli zabitlərinin şəxsi məlumatlarının da olduğu, həmçinin 2022–2025-ci illərdə müxtəlif ölkələrdən Ukraynaya göndərilən silah siyahılarının açıqlanması iddia olunur.
İddialara görə, zərərli proqram yalnız Ukrayna daxilində fəaliyyət göstərmək üçün hazırlanıb, cihazlara yoluxduqdan sonra məxfi məlumatları çıxararaq sistemləri bərpaolunmaz vəziyyətə salıb. Hadisə Ukraynanın hərbi infrastrukturunun təhlükəsizliyi və münaqişəyə xarici müdaxilənin miqyası ilə bağlı ciddi suallar doğurub.
Sevinc Kərimova