ABŞ Prezidenti Donald Tramp, Çin Dövlət Başçısı Si Cinpinin ona göndərdiyi məktubdan sonra sərt reaksiya verərək Pekinə qarşı genişmiqyaslı ticarət məhdudiyyətləri tətbiq edəcəyini açıqlayıb.
Tramp bəyan edib ki, 1 noyabrdan etibarən Çin demək olar bütün məhsullar üzrə ixrac məhdudiyyətləri tətbiq edəcək və bunu “ticarətdə misli görünməmiş düşmənçilik aktı” adlandırıb.
ABŞ liderinin cavab addımı kimi elan etdiyi qərara əsasən, Çindən idxal olunan mallara 100% gömrük rüsumu qoyulacaq.
Bu açıqlamanın ardından qlobal kriptovalyuta bazarında qısa müddətdə 3 milyard dollardan artıq dəyər silinib.
Tramp, Çinin son aylarda maqnitlər və digər strateji məhsullar üzərində gizli inhisarlar qurduğunu, bunun dost münasibətlər dövründə atılmış “açıqca düşmən addım” olduğunu bildirib.
O, həmçinin bu qərarın 10 oktyabr 2025-də Yaxın Şərqdə imzalanmış sülh razılaşması ilə eyni vaxta təsadüf etməsini təsadüf saymadığını qeyd edib.
Digər ölkələr də Pekinin addımına etiraz edir. Tramp isə xəbərdarlıq edib ki, Çin geri çəkilməsə, yüksək tariflər və əks-inhisar tədbirləri tətbiq olunacaq.
İki həftə sonra Cənubi Koreyada keçiriləcək APEC sammitində Tramp və Si Cinpin arasında planlaşdırılan görüşün baş tutacağı da şübhə altına düşüb.