ABŞ prezidenti Donald Tramp ilə Ukrayna prezidenti Volodimir Zelenski arasında bazar ertəsi günü keçiriləcək görüşə Avropa liderləri də dəvət olunub.
Redaksiya Reuters-ə istinadla xəbər verir ki, görüşün məqsədi Ukrayna müharibəsi fonunda diplomatik əlaqələri gücləndirmək və təhlükəsizlik məsələlərini müzakirə etməkdir.
Məlumata görə, toplantıya Avropa İttifaqına üzv ölkələrin bir sıra rəhbərləri də qatılacaq. Bu görüşdə həmçinin regional sabitlik, iqtisadi əməkdaşlıq və müharibənin gedişatı ilə bağlı məsələlərin gündəmdə olacağı gözlənilir.
Diplomatik mənbələr bildirirlər ki, Avropa liderlərinin iştirakı ABŞ və Ukrayna arasında keçiriləcək danışıqlara əlavə siyasi dəstək verməklə yanaşı, ümumi mövqelərin formalaşmasına da təsir göstərə bilər.
Sevinc Kərimova