ABŞ Prezidenti Donald Tramp ilə Çin Xalq Respublikasının Sədri Si Cinpin 30 oktyabr cümə axşamı günü görüş keçirəcək. Görüş Cənub-Şərqi Asiya Ölkələri Assosiasiyasının (ASEAN) sammiti çərçivəsində baş tutacaq.
Redaksiya xəbər verir ki, sammitin əsas müzakirə mövzularının regional təhlükəsizlik, ticarət əlaqələri və Cənubi Çin dənizində sabitlik olacağı gözlənilir. İki liderin görüşü həm də Vaşinqton və Pekin arasında artan iqtisadi və geosiyasi gərginlik fonunda xüsusi əhəmiyyət daşıyır.
Tramp administrasiyası qarşılıqlı əməkdaşlıq üçün yeni ticarət və texnologiya dialoqu təklif etməyi planlaşdırır. ABŞ tərəfi, xüsusilə süni intellekt və yarımkeçirici sənayesi kimi strateji sahələrdə balanslı münasibətlərin qorunmasının vacibliyini vurğulayır.