ABŞ prezidenti Donald Tramp “Truth Social” platformasında bildirib ki, Rusiya prezidenti Vladimir Putin və Ukrayna prezidenti Volodimir Zelenski arasında mümkün görüşün təşkili istiqamətində işlərə start verilib. Onun sözlərinə görə, görüşün keçiriləcəyi məkan hələlik müəyyən edilməyib.
Redaksiya xəbər verir ki, Tramp bu danışıqlardan sonra üçtərəfli sammitin təşkil olunacağını vurğulayıb. O qeyd edib ki, Putinlə telefon danışığı aparılıb və bu addım dörd ilə yaxın davam edən münaqişənin həllinə doğru “çox yaxşı, erkən addım” kimi qiymətləndirilə bilər.
Tramp bəyan edib ki, əsas məqsəd uzun müddətdir davam edən münaqişəyə son qoymaq üçün real imkanların yaradılmasıdır. ABŞ lideri əlavə edib ki, qarşıdakı diplomatik təşəbbüslər sülh prosesinin əsas mərhələlərini formalaşdıracaq və bu istiqamətdə tərəflər arasında praktiki addımlar atılacaq.
Sevinc Kərimova