NBC News-un məlumatına görə, ABŞ prezidenti Donald Tramp, Qəzzada aclığın gerçək olmadığını iddia edən İsrail baş naziri Benyamin Netanyahunun sözünü kəsərək ona yüksək səslə bağıraraq etiraz edib. Tramp, “Bunun saxta olduğunu eşitmək istəmirəm. Köməkçilərim mənə oradakı uşaqların aclıqdan öldüyünə dair sübutlar göstərdi” deyib.
Redaksiya xəbər verir ki, hadisə iki lider arasında Qəzza humanitar böhranı ilə bağlı müzakirələr zamanı baş verib. Trampın çıxışı, ABŞ administrasiyasının bölgədəki humanitar vəziyyətə daha ciddi yanaşmaq niyyətində olduğunun göstəricisi kimi qiymətləndirilir.
Siyasi şərhçilər hesab edirlər ki, bu qarşıdurma ABŞ-İsrail münasibətlərində gərginlik yarada bilər və Qəzza ilə bağlı beynəlxalq diplomatik təzyiqləri artıracaq.
Sevinc Kərimova