ABŞ prezidenti Donald Tramp Hindistanın Rusiya ilə enerji sahəsindəki münasibətlərini sərt şəkildə tənqid edib.
Redaksiya xəbər verir ki, Trampın sözlərinə görə, Hindistan yalnız Rusiya neftini böyük həcmdə almaqla kifayətlənmir, eyni zamanda həmin neftin böyük bir hissəsini beynəlxalq bazarda yenidən sataraq ciddi qazanc əldə edir. “Onlar Ukraynada Rusiya hərbi maşını tərəfindən neçə nəfərin öldüyü ilə maraqlanmırlar,” – deyə ABŞ prezidenti bildirib.
Tramp bu vəziyyəti ədalətsiz adlandıraraq, Hindistanın ABŞ-a qarşı tətbiq olunan gömrük tariflərini ciddi şəkildə artıracağını açıqlayıb. Onun sözlərinə görə, bu addım Vaşinqtonun öz iqtisadi maraqlarını və beynəlxalq prinsipial mövqeyini müdafiə etmək məqsədi daşıyır.
Bəyanat Tramp administrasiyasının Hindistanla ticarət və təhlükəsizlik münasibətlərində yeni bir dönəmə girəcəyinə işarə kimi qiymətləndirilir. Eyni zamanda bu açıqlama Vaşinqtonun Moskva ilə dolaylı enerji əməkdaşlığına qarşı daha sərt mövqe tutmağa hazır olduğunu göstərir.
Sevinc Kərimova