ABŞ-da keçirilən bir müsahibədə Donald Trampın Çinin Tayvana hücum etməsi ilə bağlı fikirləri gündəmə gəlib. Müsahibədə Tramp Çin lideri Si Cinpinin Tayvana hücumun nəticələrini anladığını bildirib.
Redaksiya xəbər verir ki, CBS News-a müsahibə verən Donald Tramp, Çinin Tayvana hərbi müdaxilə etməsi halında ABŞ-ın reaksiya verib-verməyəcəyi sualına cavab verərkən, bu barədə konkret fikir bildirməkdən çəkindi. Tramp, "Bunu öyrənəcəksiniz" deyə cavab verib.
Tramp, Si Cinpinlə münasibətlərindən də danışaraq, Çin liderinin onunla yaxşı münasibətlər qurduğunu qeyd edib. O, Si Cinpinin Tayvan məsələsinin nəticələrini anladığını vurğulayıb. Müsahibənin bu hissəsi bazar günü yayımlanıb. Trampın bu açıqlamaları, ABŞ-ın Tayvanla bağlı siyasətinin gələcəyi ilə bağlı müzakirələrə səbəb olub.