Sidneydə məşhur Bondi Çimərliyində iki şübhəli şəxsin atəş açması nəticəsində doqquz nəfər həlak olub, bir neçə nəfər isə yaralanıb. Hadisə ərazidə ciddi təşviş yaradıb və sahildə bir neçə cəsədin görüldüyü bildirilib.
Redaksiya xəbər verir ki, Yeni Cənubi Uels polisi daha on bir yaralının müxtəlif xəstəxanalara yerləşdirildiyini açıqlayıb. Hücumun şəhərin ən çox ziyarət olunan turistik məkanlarından birində baş verməsi ictimaiyyət arasında narahatlığı artırıb.
Məlumata görə, şübhəlilərdən biri hadisə yerində zərərsizləşdirilərək ölüb, digərinin isə vəziyyəti son dərəcə ağır olaraq qiymətləndirilib. Hücumun motivi barədə hələlik rəsmi açıqlama verilməyib.
Polis genişmiqyaslı istintaq çərçivəsində sahilboyu ərazini mühafizə altına alıb və hadisənin bütün detalları araşdırılır. Hadisə həm ölkə daxilində, həm də beynəlxalq ictimaiyyətdə ciddi rezonans doğurub.