Fransada səfir vəzifəsində çalışan Cənubi Afrika Respublikası vətəndaşı Emmanuel Nkosinati Mtetva Parisdə vəfat edib. Bu barədə məlumatlar Fransa prokurorluğundan daxil olub və hadisənin təfərrüatları araşdırılır.
Redaksiya xəbər verir ki, 58 yaşlı səfir bazar ertəsi axşam saatlarında itkin düşdüyü barədə məlumat verilib. Onun həyat yoldaşı, səfirdən narahatedici bir mesaj aldığını bildirib. Mesajda Mtetva üzr istəyib və özünə qəsd etmək niyyətini ifadə edib.
Hyatt otelinin təhlükəsizlik işçisi çərşənbə axşamı səhəri Mtetvanın cəsədini otelin daxili həyətində tapıb. Prokuror Laure Bekko bildirib ki, hadisə ilə bağlı araşdırma başlanılıb. Mtetva otelin 22-ci mərtəbəsində otaq tutmuşdu və pəncərənin təhlükəsizlik mexanizmi sındırılmışdı. İstintaq zamanı heç bir mübarizə əlaməti, dərman və ya qanunsuz narkotik izlərinə rast gəlinməyib. Cənubi Afrika Respublikasının prezidenti Siril Ramaphosa Mtetvanın ölümü ilə bağlı kədərini ifadə edib və ailəsinə başsağlığı verib. Xarici İşlər Nazirliyindən verilən məlumata görə, Mtetva 2023-cü ilin dekabr ayında Fransaya səfir təyin edilmişdi. O, əvvəllər polis naziri və idman, incəsənət və mədəniyyət naziri vəzifələrində çalışıb.