İtaliyanın baş nazirinin müavini Matteo Salvini Ukrayna Prezidenti Volodimir Zelenskiyə yönəlmiş sərt açıqlama ilə çıxış edib. O, Ukraynaya göstərilən maliyyə, siyasi və hərbi dəstəyi xatırladaraq Zelenskinin buna baxmayaraq şikayət etməsini qəbuledilməz adlandırıb.
Redaksiya xəbər verir ki, Matteo Salvini çıxışında “bütün pullardan, bütün səylərdən və bütün yardımlardan sonra Zelenskinin hələ də şikayət etməyə cəsarət etdiyini” bildirib. O, bu mövqeni tənqid edərək vəziyyətin reallıqlarının qəbul edilməli olduğunu vurğulayıb.
Salvini Zelenskiyə birbaşa müraciət edərək deyib: “Dostum, sən müharibəni uduzursan, insan itkiləri verirsən, nüfuzunu və ləyaqətini itirirsən”. Bu sözlərlə o, Ukraynanın mövcud hərbi və siyasi vəziyyətinin ağır olduğunu ifadə edib.
İtaliyanın baş nazirinin müavini bəyanatını Zelenskiyə ünvanlanan çağırışla yekunlaşdırıb və mümkün qədər tez sülh sazişinin imzalanmasının zəruri olduğunu bildirib. Onun fikrincə, bu addım daha böyük itkilərin qarşısını almaq üçün vacibdir.