Rusiya və Ukrayna arasında davam edən münaqişə fonunda yeni danışıqlar mərhələsi başlayır.
Redaksiya xəbər verir ki, Rusiya Prezidentinin mətbuat katibi Dmitri Peskovun İzvestiya mətbuatı ilə telefon danışığıdakı sözlərinə görə, Rusiya nümayəndə heyəti üçüncü danışıqlar raundu üçün İstanbul şəhərinə yola düşüb. Görüşdə əsasən ikinci raundda müzakirə olunan və qarşılıqlı təqdim edilən memorandum layihələri ətrafında fikir mübadiləsi aparılacaq. Lakin Peskov qeyd edib ki, tərəflərin bu sənədlərlə bağlı mövqeləri hələ də tamamilə ziddiyyətlidir və nəticə barədə danışmaq tezdir.
Peskov bildirib ki, Ukrayna ilə imzalanması planlaşdırılan memorandumun hazırlanması Vladimir Putin və Vladimir Zelenski arasında mümkün görüşün ilkin mərhələsi hesab olunur. Amma detallı razılaşmalar olmadan belə bir görüşün vaxtı barədə danışmaq real deyil.
O, Ukraynanın bəzi şəhərlərində antikorrupsiya qurumlarının səlahiyyətlərinin məhdudlaşdırılmasına etiraz olaraq keçirilən aksiyaları isə ölkənin daxili işi kimi qiymətləndirib.
Kremlin məlumatına görə, Ukraynada korrupsiya səviyyəsi hələ də yüksək olaraq qalır və Qərb dövlətlərindən daxil olan hərbi yardımın əhəmiyyətli hissəsi mənimsənilib.
Sevinc Kərimova