Britaniyalı milyarder Riçard Brensonun şəxsi Necker adasında keçirilən tədbirlərlə bağlı yeni iddialar ortaya çıxıb və BBC-nin hazırladığı sənədli film onun fəaliyyətinə dair mübahisəli məqamları gündəmə gətirib.
Redaksiya xəbər verir ki, sənədli filmdə Brensonun adasındakı mərasimlərdə qonaqların heyət üzvlərindən qeyri‑adi oyunlar üçün “insan hədəfi” kimi istifadə etdikləri iddia olunur, həmçinin 2018-ci ildə təşkil edilən çimərlik tədbirlərinə məşhur NXIVM sektasının üzvlərinin də qatıldığı bildirilir.
Məlumatlara əsasən, avqust ayında Epshteynin Manhettendəki malikanəsindən götürülmüş əvvəllər yayımlanmamış fotolar arasında Brensonla Epshteynin birlikdə çəkilmiş çərçivələnmiş şəkli də yer alıb.
Hadisə ətrafında yeni faktların üzə çıxması Brensonun fəaliyyətinə dair diqqəti daha da artırıb və ictimaiyyət arasında əlavə suallar yaradıb.