İran rəsmilərinin açıqlamalarına görə, rəsmi Tehran bir sıra müsəlman ölkələrlə birgə ortaq hərbi ittifaq yaratmağı planlaşdırır.
Redaksiya xəbər verir ki, İranın Məqsədini Müəyyənetmə Şurasının üzvü Möhsün Rezai bəyan edib: “Türkiyə, Səudiyyə Ərəbistanı, Pakistan və digər ölkələrlə ortaq bir İslam ordusu qurmağı hədəfləyirik.”
İnqilab Keşikçiləri Korpusunun sabiq komandanı isə hazırda baş verən qarşıdurmalara yönəlik bildirib: “Hələlik soyuqqanlı davranırıq. Lakin qlobal güc balansını dəyişdirəcək hərbi potensialımızı tam şəkildə səfərbər etməmişik.”
Baş verənlərin fonunda isə, İran lideri Ayətullah Əli Xameneinin hava hücumlarından sonra Tehranın şimal-şərqində yerləşən Lavizan bölgəsindəki yeraltı sığınacağa köçürüldüyü bildirilir. Bu məlumatı “Iran International” yayıb.
Sevinc Kərimova