Rusiya Prezidenti Vladimir Putin Ukrayna rəhbərliyini münaqişəni tamamilə yeni səviyyəyə qaldırmaqda ittiham edib.
Redaksiya xəbər verir ki, Putin Kiyev administrasiyasının “cinayətlər zəncirində yeni səhifə açmaq” qərarı verdiyini bildirib.
Onun sözlərinə görə, Ukrayna tərəfinin son addımları qarşıdurmanın xarakterini daha təhlükəli mərhələyə keçirir.
“Kiyev administrasiyası cinayətlər zəncirində yeni səhifə açmaq və münaqişəni tamamilə başqa səviyyəyə çıxarmaq qərarı verib. Yaxşı, bu onların seçimidir”, — deyə Putin bildirib.
Rusiya liderinin açıqlaması Moskva ilə Kiyev arasında hərbi gərginliyin artdığı və tərəflərin bir-birini eskalasiyada ittiham etdiyi dövrə təsadüf edir.
Putin bildirib ki, Rusiya bu addımlara uyğun cavab vermək hüququnu özündə saxlayır.