Porsche Nürburqrinqin 100 illiyi münasibətilə xüsusi 911 GT3 modelini təqdim edib. Avtomobil cəmi 100 ədəd istehsal olunacaq və yalnız Almaniya bazarında satışa çıxarılacaq.
Redaksiya xəbər verir ki, alıcılar avtomobil üçün fərdi dövlət qeydiyyat nişanı seçmək imkanı əldə edəcəklər. Xüsusi versiya qızılı rəngli disklər və salonda yerləşdirilən "Welcome to Hell Green" yazısı ilə fərqlənəcək.
Məhdud istehsal sayı modelin kolleksiya dəyərini artıran əsas amillərdən biri kimi təqdim olunur. Porsche bu versiyada 911 GT3-ün performans xüsusiyyətlərini Nürburqrinqin tarixi ilə əlaqələndirən xüsusi dizayn detallarından istifadə edib.
Avtomobillərin müştərilərə çatdırılmasına 2027-ci ildə başlanması planlaşdırılır. Cəmi 100 nüsxənin istehsal ediləcəyi nəzərə alınaraq, modelin kolleksiyaçılar arasında yüksək maraq doğuracağı gözlənilir.