Pakistanın baş naziri Şahbaz Şərif BMT Baş Assambleyasında çıxışı zamanı ABŞ-ın hazırkı prezidenti Donald Trampı Nobel Sülh Mükafatına namizəd göstərdiklərini açıqlayıb. O bildirib ki, bu addım Trampın sülhə verdiyi dəyərə və göstərdiyi səylərə minnətdarlığın ən az göstəricisidir.
Redaksiya xəbər verir ki, Şərif çıxışı zamanı Trampı “həqiqətən sülh adamı” kimi xarakterizə edib. Baş nazirin sözlərinə görə, Pakistan beynəlxalq münaqişələrin sülh yolu ilə həlli istiqamətində Trampın təşəbbüslərini yüksək qiymətləndirir və bu mövqeyi dəstəkləyir.
Şərif əlavə edib ki, Pakistan regionda sabitlik və beynəlxalq əməkdaşlığın gücləndirilməsi üçün sülhün qorunmasına tərəfdardır və bu baxımdan Trampın səylərini xüsusi qeyd edir.