Macarıstanın baş naziri Viktor Orban maraqlı bir xatirəsini bölüşüb. O bildirib ki, ABŞ prezidenti Donald Tramp gecə saatlarında gözlənilmədən ona zəng edib və bu zəng ailəvi şam yeməyini yarımçıq qoyub.
Redaksiya xəbər verir ki, Orban hadisəni belə təsvir edib: “Gecə həyat yoldaşımla sakitcə şam edirdim, heç nə gözləmirdim. Birdən-birə ABŞ prezidenti telefonla bizim mətbəximizə ‘daxil oldu’. Mən isə Trampa Macarıstanın mövqeyini düzgün təqdim etdim, sonra sakitcə yeməyimi bitirib istirahətə yollandım”.
Orban söhbətin məzmunu barədə detallı açıqlama verməsə də, hadisəni yumorla xatırladığını bildirib.